- Advertisement -

“კოლხეთის” გულშემატკივრები სფფ-ს სადისციპლინო კომიტეტის გადაწყვეტილების გადახედვას ითხოვენ

ფოთში ,,კოლხეთი 1913“-ის გუშემატკივრებმა ბრიფინგი გამართეს. მათ ფეხბურთის ფედერაციის სადისციპლინო კომიტეტის მიერ გამოტანილი გადაწყვეტილების გადახედვა მოითხოვეს.
შგახსენებთ, მიმდინარე წლის ივლისის დასაწყისში,საქართველოს ფეხბურთის ფედერაციის სამართლიანი თამაშის კომიტეტმა, ფოთის „კოლხეთის“ რამდენიმე ფეხბურთელს, თამაშში განხორციელებული მანიპულაციებისთვის 6-6 თვიანი დისკვალიფიკაციები მისცა, ხოლო კლუბს 6 ქულა დააკლო.

გულშემატკივრების თქმით, 6 ქულის დაკლება, ფაქტობრივად, "კოლხეთის" გაწირვას და ლიგიდან გავარდნას ნიშნავს და ამით მორალურად ისედაც დაზარალებული გუნდი, კიდევ უფრო ზარალდება.

"საქართველოს ფეხბურთის ფედერაციას და ლევან კობიაშვილს ,,კოლხეთი 19 13“-ის გულშემატკივრები მივმართავთ თხოვნით, რომ გადაიხედოს სადისციპლინო კომიტეტის მიერ გამოტანილი გადაწყვეტილება, რაც გუნდისთვის დაკლებულ 6 ქულას ეხება. .სხვა გადაწყვეტილებებში გულშემატკივრები ვეთანხმებით . გუნდი გადარჩენისთვის ბრძოლობს. ამდენი დაკლებული ქულის შემდეგ "კოლხეთი 1913“ უმაღლეს ლიგაში ბოლო ადგილს იკავებს და გავარდნის საშიშროების წინაშე დგას. იმედს ვიტოვებთ, რომ საკითხი დადებითად გადაწყდება,“- განუცხადა ჟურნალისტებს ,,კოლხეთი 1913“-ის გულშემატკივარმა გიგა ზარქუამ.

Comments
Loading...