- Advertisement -

ლენტეხის მერი: “ხელედულა 3-ი ჰესი” რეგიონს წარმატებულს გახდის

როგორც ლენტეხის მერი ბადრი ლიპარტელიანი ჟურნალისტებთან აცხადებს ლენტეხის გამგეობა უკვე შეხვდა მოსახლეობას, კომპანიის დირექტორი კი ადგილობრივებს მარტში შეხვდება და მიაწოდებს ინფორმაციას თუ რა ცუდი თუ კარგი შედეგები მოჰყვება აღნიშნულ მშენებლობა, მერის განცხადებით მას აქვს პოზიცია, რომ აღნიშნული ჰესი რეგიონს წარმატებულს გახდის.

ცნობისთვის, ლენტეხის მუნიციპალიტეტის სოფელ წანაში საპროტესტო აქცია გაიმართა.

სამი სოფლის, წანაშის, ლესემას და ხელედის მოსახლეობა "ხელედულა 3-ი ჰესის" მშენებლობას აპროტესტებს, რომელის მშენებლობის სამუშაოებიც მათივე თქმით გაზაფხულიდან დაიწყებს.

ადგილობრივების თქმით, ხელედულა და დევაშის დამაკავშირებელ ხეობაში 4 კილომეტრიანი გვირაბი უნდა აშენდეს და სამუშაოებს შპს."ხელედულა ენერჯი" განახორციელებს.

მოსახლეობის თქმით, მათვის არავის მიუწოდებია ინფორმაცია რომ აღნიშნულ ტერიტორიაზე ჰესის მშენებლობას აპირებდნენ.

მშენებლობის დაწყების და ჰესის აშენების შემთხვევაში სამ სოფელში მცხოვრებლები აცხადებენ რომ ორასზე მეტ ოჯახს დატბორვა ემუქრება, ხეობა მოსახლეობისგან დაიცლება, ტერიტორია მეწყერსაშიში ზონაა და 600 ზე მეტი ადამიანი საფრთხის ქვეშ აღმოჩნდდება, რადგან მდინარეები და მისი შენაკადები ღვარცოფული ბუნებით ხასიათდება.

Comments
Loading...