- Advertisement -

მიხეილ ყაველაშვილი: გვსურს, თვითმმართველობებთან მუდმივი კავშირი გვქონდეს

საქართველოს პარლამენტის სპორტისა და ახალგაზრდულ საქმეთა კომიტეტის ინიციატივით და ევროკავშირისა და გაეროს განვითარების პროგრამის (UNDP) მხარდაჭერით, ბორჯომში სამცხე-ჯავახეთის მუნიციპალიტეტების სპორტისა და ახალგაზრდობაზე პასუხისმგებელი სამსახურების წარმომადგენლებთან და სამხარეო გუბერნატორის ადმინისტრაციასთან გაიმართა შეხვედრა. შეხვედრაზე კომიტეტის სტრატეგიისა და სამოქმედო გეგმის პრეზენტაცია და ადგილობრივ მუნიციპალიტეტებთან დარგის განვითარების საკითხებზე დისკუსია გაიმართა.

„ჩვენ გვაქვს სხვადასხვა მიმართულებით დაწყებული მუშაობა კანონშემოქმედების თვალსაზრისით სპორტის და ახალგაზრდობის მიმართულებით. სტრატეგია ეფუძნება გარკვეულ მონაცემებსა და კვლევებს, რომელიც აუცილებლად გამოიწვევს კომიტეტის ეფექტიანობის გაზრდას. მე და ჩემს კოლეგა მაჟორიტარ დეპუტატებს მაჟორიტარის ფუნქცია დაგვეხმარა სწორედ იმ საკითხებზე გაგვემახვილებინა ყურადღება სპორტის და ახალგაზრდობის პოლიტიკის მიმართულებით, რისი დაკვეთაც მოსახლეობიდან მოდიოდა. გვსურს რომ გვქონდეს მუდმივი კავშირი თვითმმართველობებთან, აუცილებლად უნდა გავერთიანდეთ ჩვენს წინაშე არსებული გამოწვევების დასაძლევად და ერთად ნაბიჯ-ნაბიჯ ეტაპობრივად მივაღწევთ იმ მიზანს რაც სიკეთის მომტანი იქნება საქართველოს თითოეული მოქალაქისათვის.“ – განაცხადა მიხეილ ყაველაშვილმა.

Comments
Loading...