- Advertisement -

მიხეილ ჩხენკელი ბათუმის შოთა რუსთაველის სახელმწიფო უნივერსიტეტს ეწვია

საქართველოს განათლებისა და მეცნიერების მინისტრი მიხეილ ჩხენკელი ბათუმის შოთა რუსთაველის სახელმწიფო უნივერსიტეტს ეწვია.

მინისტრს უნივერსიტეტში განხორციელებული ინფრასტრუქტურული სამუშაოები უნივერსიტეტის რექტორმა მერაბ ხალვაშმა და აჭარის განათლების, კულტურისა და სპორტის მინისტრმა ინგა შამილიშვილმა გააცნეს.

მინისტრმა მიხეილ ჩხენკელმა ბსუ-ს მატერიალურ-ტექნიკური ბაზა, უახლესი ტექნოლოგიებით აღჭურვილი სტამბა, კაბინეტ-ლაბორატორიები დაათვალიერა, სადაც სტუდენტები თეორიულ ცოდნასთან ერთად, პრაქტიკულ უნარ-ჩვევებს იძენენ. ვიზიტის ფარგლებში განათლებისა და მეცნიერების მინისტრი მკვლევარებისა და პროფესორების მიერ წარმოებული კვლევის შედეგებს გაეცნო.

ასევე, შეხვდა პროფესორ-მასწავლებლებს, სტუდენტებს და უნივერსიტეტის სამომავლო განვითარების პერსპექტივებზე ესაუბრა.

Comments
Loading...