- Advertisement -

მსოფლიო ჩემპიონი სამბოში, ბესიკ მიქელთაძე, ოთხშაბათიდან ქუთაისში მშრალ შიმშილობას იწყებს

მსოფლიო ჩემპიონი სამბოში და რამდენიმე წიგნის ავტორი ბესიკ მიქელთაძე ქუთაისში მდებარე პარლამენტის შენობასთან, ოთხშაბათიდან მშრალ შიმშილობას იწყებს.

მიქელთაძე პროტესტის უკიდურესი ფორმით, ქალაქიდან საკანონმდებლო ორგანოს გადატანას აპროტესტებს.

მსოფლიო ჩემპიონის თქმით, შიმშილს მანამ გააგრძელებს, ვიდრე საპარლამენტო უმრავლესობისგან გარანტიას არ მიიღებს, რომ პარლამენტს ქუთაისში დატოვებენ.

“მე ვაპირებ მშრალი შიმშილის დაწყებას ოთხშაბათიდან, პარლამენტის შენობასთან. ძალიან მძიმე ჯანმრთელობის მდგომარეობის ფონზე ეს გადაწყვეტილება მივიღე. აუცილებელია დეცენტრალიზაცია საქართველოსთვის რადგან ყველაფერი ერთ ქალაქში არ იყოს. აუცილებელია ქუთაისისთვის პარლამენტი, რადგან ქალაქი განვითარდეს”-განაცხადა მიქელთაძემ.

Comments
Loading...