- Advertisement -

“ნაციონალური მოძრაობა”: ფოთში ყველა საარჩევნო უბანთან „ოცნების“ სამარშუტო ტაქსებია მობილიზებული

ფოთის 70-ე საოლქო საარჩევნო კომისიაში “ერთიანი ნაციონალური მოძრაობის“ წარმომადგენლის, დავით ხომერიკის განცხადებით, თითქმის ყველა საარჩევნო უბანში კანონდარღვევას აქვს ადგილი.

მანვე აღნიშნა, რომ “ქართული ოცნების“ კოორდინატორები არჩევნების ტოტალურ გაყალბებას ცდილობენ.

“დილის 8 საათამდე დაიწერა რამდენიმე უბანზე საჩივარი. კომისიის თავმჯდომარეებმა საერთოდ არ ჩაატარეს წილისყრა , რაც კანონით ევალებათ და პირდაპირ თავისი ნებით გადაუნაწილეს ფუნქციები კომისიის წევრებს. აგრეთვე ჩვენს ძალიან ბევრ წარმომადგენელს შეუზღუდეს უფლებები. ასევე ძალიან ბევრი საჩივარია დაწერილი იმასთან დაკავშირებით , რომ კომისიის მდივნები საჩივრებს არ ატარებენ სარეგისტრაციო ჟურნალში და ნომერს არ ანიჭებენ . ჩვენ იძულებული ვართ შემდეგ ის საჩივრები აქ, ოლქში დავწეროთ. ყველა საარჩევნო უბნის წინ დგას სამარშუტო ტაქსი, რომელშიც მობილიზებულები არიან ,,ქართული ოცნების“ კოორდინატორები. ისინი ამომრჩევლის ნების კონტროლს ახორციელებენ“ _ განაცხადა დათო ხომერიკმა.

Comments
Loading...