- Advertisement -

“ნაცმოძრაობა” ქუთაისში აეროპორტის მიმდებარედ სასტუმროთა ქსელის აშენებას აპროტესტებს

ქუთაისში, "ნაციონალური მოძრაობის" წევრები, პრემიერმინისტრის ინიციატივას აპროტესტებენ. ქალაქის საკრებულოში ფრაქცია "ერთიანი ნაციონალური მოძრაობის" თავმჯდომარემ აღნიშნულთან დაკავშირებით ბრიფინფი გამართა და პრემიერის მიერ გაჟღერებული, აეროპორტის მიმდებარედ სასტუმროთა ქსელის აშენების პროექტი დაიწუნა.

გიგა შუშანიას განცხადებით აღნიშნული იდეა ქუთაისში ტურიზმის განვითარებას შეაფერხებს.

მისივე თქმით ქუთაისის ცენტრალურ ნაწილში არის ტერიტორიები, სადაც შესაძლოა აშენდეს სასტუმროთა ქსელი.

"ნაციონალურ მოძრაობაში" აცხადებენ რომ ერთადერთი სფერო, რომელიც ვითარდება არის ტურიზმის სფერო, ეს გდაწყვეტილება კი იქნება სერიოზული დარტყმა ქალაქისთვის და გამოიწვევს სამუშაო ადგილების შემცირებას.

Comments
Loading...