- Advertisement -

“ნენსკრა ჰიდროსა” და მესტიის მუნიციპალიტეტის მერიას შორის მემორანდუმი გაფორმდა

ურთიერთთანამშრომლობის მემორანდუმი გაფორმდა მესტიაში ნენსკრაჰესის პროექტის განმახორციელებელ კომპანია სს "ნენსკრა ჰიდროსა" და მესტიის მუნიციპალიტეტის მერიას შორის . მემორანდუმი 4- წლიანია, ინვესტიციების ოდენობა ეტაპობრივად ჭუბერისა და ნაკრას საჭიროებებიდან გამომდინარე განისაზღვრება.

უკვე 2019 წელს ნენსკრა ჰიდრო 1.5 მლნ ლარს გამოყოფს, რაც ძირითადად ინფრასტრუქტურული პროექტებისთვის დაიხარჯება.მემორანდუმის გაფორმებიდან 3 თვის ვადაში წარმოდგენილი იქნება ერთიანი სამოქმედო გეგმა, რომელიც ჭუბერსა და ნაკრაში როგორც მცირე ინფრასტრუქტურული პროექტების განხორციელებას, ასევე სოციალური საწარმოების განვითარებას, კულტურული და საგანმანათლებლო პროექტების განხორციელებას მოიცავს. მემორანდუმს ხელი მოაწერეს მესტიის მუნიციპალიტეტის მერმა კაპიტონ ჟორჟოლიანმა და სს ნენსკრა ჰიდროს აღმასრულებელმა დირექტორმა სანიანგ კიმმა.

Comments
Loading...