- Advertisement -

ოზურგეთის №60-ე ოლქში ბიულეტენების საერთო რაოდენობას არ ასაჯაროვებენ

ოზურგეთის დამოუკიდებელი მერობის კანდიდატის წარმომადგენელი ოლქში არჩევნების გაყალბების სავარაუდო სქემაზე საუბრობს. კახა ჩავლეიშვილის განცხადებით ოლქის თავმჯდომარეს ბიულეტენების რაოდენობის მიღება ჩაბარების აქტის გასაცნობად დილით მიმართა, თუმცა მისთვის გაურკვეველი მიზეზების გამო ოქმი ამ დრომდე არ ჩაჰბარებია.

წარმომადგენლის განმარტებით ეს ბევრ საეჭვო გარემოებას იწვევს, უცნობია საერთო ბიულეტენების რაოდენობა, ასევე ცესკოს მიერ გადმოგზავნილი სპეციალურად დანომრილი ბიულეტენები დარიგდა თუ არა საარჩევნო უბნებზე. აღნიშნული გარემოება ქმნის საფრთხეს, რომ გაყალბდეს ამომრჩეველთა საერთო რაოდენობა.

ბრალდებებს ოზურგეთის მე-60 ოლქში პასუხობენ. ზვიად თენიეშვილის განმარტებით, აღნიშნული მიღება-ჩაბარების ოქმი კანონით განსაზღვრულ ვადაში გადაეცემა ოლქის წევრს, თუმცა ვადის ხანგრძლივობა ოლქის თავმჯდომარემ მედიასთან არ დააკონკრეტა.

ოლქის ინფორმაციით, ამ დროისთვის მხოლოდ 6 საჩივარია დაწერილი, რომელიც პროცედურულ დარღვევებს ეხება. ამომრჩევლთა აქტივობა კი სამი საათის მონაცემებით 39%-ია.

Comments
Loading...