- Advertisement -

ოზურგეთში,სოფელ შემოქმედში გვიან ღამით მინი მარკეტი ასაფეთქებელი ნივთიერებით დააზიანეს

სამი აფეთქების ხმა ოზურგეთში, სოფელ შემოქმედში. გვიან ღამით დაუდგენელმა პირებმა დაკეტილი მინი მარკეტის შენობა ასაფეთქებელი ნივთიერებით დააზიანეს. მაღაზიის მეპატრონე მედიასთან კომენტარს არ აკეთებს და აცხადებს, რომ ექსპერტ-კრიმინალისტების დასკვანას დაელოდება.

მისივე განმარტებით მაღაზიიდან უცნობ პირებს არაფერი წაუღიათ. ადგილობრივების თქმით წუხელ გვიან ღანით აფეთქების ხმა სამჯერ გაიგონეს. სახელმწიფო საკუთრების პირველ სართულზე განთავსებული რკინის გისოსებში ჩასმული მაღაზიის მხოლოდ მინებია ჩამსხვრეული. კარი ბოქლომით დაკეტილი დახვდათ დილით მისულ გამყიდველებს. 


შინაგან საქმეთა სამინისტრომ გამოძიება სს კოდექსის 187-ე მუხლით დაიწყო, რაც გულისხმობს ნივთის დაზიანებას ან განადგურებას. უწყების ინფორმაციით შემთხვევის დროს არავინ დაშავებულა.

Comments
Loading...