- Advertisement -

ონის მერიის წინ ონის ჰესის კასკადის მშენებლობას აპროტესტებენ

ონის მერიის წინ სოფელ ნიგავზებში, ფარავნეში, უწერაში და ნაკიეთში მცხოვრებლებმა საპროტესტო აქცია გამართეს. ადგილობრივები, მდინარე რიონზე ონის ჰესის კასკადის მშენებლობას აპროტესტებენ.

ადგილობრივების განცხადებით, პროექტის მიხედვით, გვირაბში რომელიც 4 სოფლის თავზე, მთაში უნდა გაიყვანონ, მდინარე რიონის კალაპოტი მოექცევა, რაც მოსახლეობას საფრთხეს შეუქმნის.

მათივე თქმით, ტერიტორია მეწყერსაშიში ზონაა, რაჭაში ხშირია მიწისძვრებიც, აქედან გამომდინარე ოთხ სოფელში მცხოვრები სამასამდე ოჯახი შესაძლოა კატასტროფის წინაშე დადგეს.

აქცის შემდეგ ადგილობრივებმა, ონის კულტურის ცენტრში გადაინაცვლეს სადაც აღნიშნულ საკითხთან დაკავშირებით საჯარო განხილვა რამდენიმე წუთის წინ დაიწყო.

ჰესის მშენებლობასთან დაკავშირებით, სააქციო სსაზოგადოება "ონის კასკადმა" მემორანდუმი მთავრობასთან გააფორმა.

საჯარო განხილვას, საკონსულტაციო კომპანია "გამა კონსალტინგის", "მწვანე ალტერნატივას", "სს.ონის კასკადის" და გარემოს დაცვის სამინისტროს წარმომადგენლები ესწრებიან.

Comments
Loading...