- Advertisement -

პანკისის ხეობის სოფლებში ენერგომომარაგება სტაბილური და უსაფრთხო გახდება

პანკისის ხეობის სოფლებში ენერგომომარაგება სტაბილური და უსაფრთხო გახდება. ამის შესახებ კოპპანიაში ,,ენერგო-პრო ჯორჯია,, აცხადებენ.

კომპანიის ინფორმაციით, პანკისის ხეობის სოფლებში ქსელის სარეაბილიტაციო სამუშაოები უკვე დასრულდა. შედეგად მნიშვნელოვნად გაუმჯობესდა ქსელის ინფრასტრუქტურა და 2200-მდე აბონენტის ენერგომომარაგება უფრო სტაბილური გახდა.

სარეაბილიტაციო სამუშაოების ფარგლებში ახმეტა-პანკისის დამაკავშირებელ მაგისტრალზე გამოიცვალა გადამცემი ხაზები და ძველი, ამორტიზირებული ბოძები შეიცვალა ახალი საყრდენებით. სამუშაოები 3 სოფელში: ხალაწანში, შუა ხალაწანსა და კუწახტაში ჩატარდა.

სარეაბილიტაციო პროექტის ფარგლებში დაგეგმილია მდინარე ალაზანზე ახალი ხაზის მშენებლობაც, რომელიც ომალოსა და ხალაწანის ენერგომომარაგების სტაბილურობას უზრუნველყოფს. სოფელ ომალოში კი ძაბვის ხარისხის ამაღლების მიზნით დაგეგმილია ახალი ტრანსფორმატორის მონტაჟიც.

Comments
Loading...