- Advertisement -

“პატრიოტთა ალიანსი”: ზესტაფონის მერმა საკუთარი მძღოლის მამას ტენდერის გარეშე 26 934 ლარის ღირებულების სამუშაო გადასცა

ზესტაფონის საკრებულოს წევრმა "პატრიოტთა ალიანსიდან" ტენდერებთან დაკავშირებით ბრიფინგი გამართა.

გიგა გაბრიჭიძის განცხადებით, ზესტაფონის მერმა კახაბერ მახათაძემ, საკუთარი მძღოლის მამას, ტენდერის გამოცხადების გარეშე, პირდაპირი წესით, აპრილის თვეში 26 934 ლარის ღირებულების სამუშაო გადასცა, რათა მერიის ბალანსზე მყოფი 4 მანქანა შეეკეთებინა.

გაბრიჭიძის თქმით ეს პირველი შემთხვევა არ არის და მახათაძე ტენდერის ჩატარების გარეშე, მასთან დაახლოვებულ პირებს, თანხებს პირდაპირი წესით გადასცემს.

ბრალდებებს უარყოფენ ზესტაფონის მერიაში, მერიის ადმინისტრაციული სამსახურის უფროსის ეკა დუგლაძის განცხადებით, ავტომანქანების ტენიკურ მომსახურენაზე ტენდერი გამოცხადდა, თუმცა მერიამ მათი შეკეთება გადაიფიქრა, რადგან აღნიშნული მანქანები შეკეთებას აღარ ექვემდებარებოდა და თუ მანქანების საჭიროება გახდება, წლის განმავლობაში გამოიყენებენ აღნიშნულ თანხას.

Comments
Loading...