- Advertisement -

პრეზიდენტი თელავის სახელმწიფო უნივერსიტეტის სტუდენტებს და პროფესორ-მასწავლებლებს შეხვდა

საქართველოს პრეზიდენტმა, გიორგი მარგველაშვილმა კამპანიის "დამოუკიდებლობიდან თავისუფლებისაკენ – რესპუბლიკის 100 წელი" ფარგლებში პირველი შეხვედრა თელავში გამართა. პრეზიდენტი თელავის სახელმწიფო უნივერსიტეტის სტუდენტებს და პროფესორ-მასწავლებლებს შეხვდა. 

გიორგი მარგველაშვილის განცხადებით, კამპანიის მიზანი ქართული სახელმწიფოებრიობის წინაშე მდგარ გამოწვევებსა და საფრთხეებთან დაკავშირებით ახალგაზრდების ცნობიერების ამაღლებაა. 

შეხვედრაზე პრეზიდენტმა საქართველოს რესპუბლიკის გამოცხადების საიუბილეო თარიღის მნიშვნეღობაზე გააკეთა აქცენტი და აღნიშნა, რომ წელს 26 მაისი საზეიმოდ აღინიშნება.

"წელს 100 წელი სრულდება საქართველოს დამოუკიდებელ რესპუბლიკად გამოცხადებიდან, ეს არის უმნიშვნლოვანესი თარიღი ჩვენი ქვეყნის ისტორიაში და თითლეულმა ჩვენგანმა უნდა გავიაზროთ კარგად ამ თარიღის მნიშვნელობა. ამ საკითხთან დაკავშირებით, ახალგაზრდებისთვის გამოცხადდება ესეების კონკურსიც და საზეიმოდ აღინიშნება წლევანდელი 26 მაისი", – განაცხადა პრეზიდენტმა სტუდენტებთან შეხვედრის დროს.

Comments
Loading...