- Advertisement -

საგარეჯოს მუნიციპალიტეტში სანახშირე ორმოების დემონტაჟი მოახდინეს

გარემოსდაცვითი ზედამხედველობის დეპარტამენტის კახეთის რეგიონული სამმართველოს თანამშრომლებმა 8 ერთეული სანახშირე ორმოს დემონტაჟი მოახდინეს,- ამის შესახებ ინფორმაციას საქართველოს გარემოსა და ბუნებრივი რესურსების დაცვის სამინისტრო ავრცელებს.

საგარეჯოს მუნიციპალიტეტში, სოფელ გიორგიწმინდის მიმდებარე ტერიტორიაზე, უკანონოდ ფუნქციონირებდა სანახშირე ორმოები, სადაც გარემოზე ზემოქმედების ნებართვის გარეშე მიმდინარეობდა ნახშირის წვა.

ტერიტორიაზე ნაპოვნია 5 მ3 უკანონოდ მოპოვებული შეშა. კახეთის რეგიონული სამმართველოს თანამშრომლებმა, ადგილზე 5 ადმინისტრაციული სამართალდარღვევის ოქმი შეადგინეს.

გატარებული პრევენციული ღონისძიების შედეგად, უკანონოდ მოქმედ 8 სანახშირე ორმოს გაუკეთდა დემონტაჟი.

Comments
Loading...