- Advertisement -

სამტრედიაში ბორანის სარეაბილიტაციო სამუშაოები ვალერიანე ფოცხვერიამ დაათვალიერა

ახალი სოფლის ტერიტორიაზე, ზამთრის სტიქიის შედეგად, დაზიანებული ბორანის აღდგენითი სამუშაოები მიმდინარეობს, რომელიც რიონის ორ ნაპირს აერთებს. ბორანი მნიშვნელოვან სატრანსპორტო საშუალებას წარმოადგენს მოსახლეობისთვის. მერიის დვალებით, გამწვანებისა და კეთილმოწყობის სამსახური, ამ წუთებში აღდგენითი სამუშაოები ატარებს.

სამუშაო პროცესი დაათვალიერა სამტრედიის მუნიციპალიტეტის მერმა ვალერიანე ფოცხვერიამ ადგილობრივი ხელისუფლების წარმომადგენლებთან ერთად.

„ეს ბორანი საქართველოს მასშტაბით შემორჩენილია მხოლოდ სამტრედიაში, ამიტომ ჩვენთვის ორმაგად საპასუხისმგებლო და აუცილებელია მისი მწყობრში მოყვანა. სტიქიის დროს ბორანი ხშირად ზიანდება, თუმცა ყოველთვის ხერხდება მისი აღდგენა“– განაცხადა ვალერიანე ფოცხვერიამ.

Comments
Loading...