- Advertisement -

სამტრედიაში, ნიკო ნიკოლაძის სახლ-მუზეუმში, მუზეუმის საერთაშორისო დღე აღინიშნა

მუზეუმის კვირეულის ფარგლებში, ჯიხაიშში ნიკო ნიკოლაძის სახლ-მუზეუმში, მუზეუმის საერთაშორისო დღე გრანდიოზულად აღინიშნა. ნიკო ნიკოლაძის სახლ- მუზეუმში მთელი კვირის მანძილზე მრავალფეროვანი ღონისძიებები გაიმართა.

საქართველოს კულტურის სამინისტროს ინიციატივითა და მხარდაჭერით, მუზეუმების საერთაშორისო დღის ფარგლებში, საქართველოს თითქმის ყველა მუზეუმში აქცია – „ღამე მუზეუმში“ ტარდება.

დამთვალიერებლებისთვის ნიკო ნიკოლაძის სახლ-მუზეუმი ღამის 1 საათამდე იქნება ღია . ვიზიტორები თავად გახდებიან იმ კულტურული ღონისძიებების მონაწილენი, რომლებიც აქციის ფარგლებში ჩატარდა.

ნიკო ნიკოლაძის სახლ-მუზეუმში დღევანდელი ღონისძიება დამოუკიდებლობის 100 წლისთავსაც მიეძღვნა და მასში მონაწილეობას მუნიციპალიტეტში არსებული სხვადასხვა ინდივიდუალური შემსრულებლები და ანსამბლები იღებდნენ.დღის ბოლოს ღონისძიებაზე შთამბეჭდავი პერფომანსი წარმოადგინა ქუთაისის დასმა ,,მარჯანიშვილები.“

დღესვე მუზეუმის ადმინისტრაციის წარმომადგენლებმა, მუზეუმის კვირეულის განმავლობაში სხვადასხვა აქტივობებში გამარჯვებული ახალგაზრდები სიგელებით დააჯილდოეს..

ნიკო ნიკოლაძის სახლ-მუზეუმში იმყოფებოდა მუნიციპალიტეტის მერი ვალერი ფოცხვერია, ადგილობრივი ხელისუფლების წარმომადგენლები და მოწვეული სტუმრები.

მუნიციპალიტეტის მერმა შეკრებილებს სიტყვით მიმართა, მუზეუმის საერთაშორისო დღე მიულოცა და ღონისძიებაში მონაწილე ყველა შემსრულებელს ლამაზი საღამოსთვის მადლობა გადაუხადა.

Comments
Loading...