- Advertisement -

სამტრედიაში, სამხედრო ძალებში საშემოდგომო სავალდებულო გაწვევა დაიწყო

სამტრედიის მუნიციპალიტეტის მერიაში ორშაბათის თათბირი გაიმართა,რომელსაც მერიის სამსახურების ხელმძღვანელები და ადმინისტრაციულ ერთეულებში მერის წარმომადგენლები ესწრებოდნენ. ამის შესახებ ინფორმაციას სამტრედიის მერია ავრცელებს.

საქართველოს სამხედრო ძალებში საშემოდგომო სავალდებულო გაწვევა დაიწყო. დღევანდელ თათბირზე, სამტრედიის მუნიციპალიტეტის მერიის სამხედრო სამსახურის უფროსმა ზაზა კაჭახიძემ ადმინისტრაციულ ერთეულებში მერის წარმომადგენლებს, აღნიშნულთან დაკავშირებით დეტალური ინფორმაცია მიაწოდა და შესაბამისი უწყება გადასცა.

მუნიციპალიტეტის მერმა ვალერი ფოცხვერიამ, საქართველოს სამხედრო ძალებში მსახურების აუცილებლობაზე და მნიშვნელობაზე ისაუბრა. მერმა ახალგაზრდებს მეტი პატრიოტიზმის გამოჩენა და სამშობლოსთვის სამხედრო ძალებში მსახურება მოუწოდა.

მუნიციპალიტეტის მერმა თათბირზე, მერის წარმომადგენლებისაგან სოფლებში არსებული მდგომარეობის შესახებ მოისმინა ინფორმაცია და კიდევ ერთხელ,მიმდინარე წელს დაგეგმილ ინფრასტრუქტურულ პროექტებზე გაამახვილა ყურადღება.

Comments
Loading...