- Advertisement -

სამტრედიაში, ღანირის თემში რეაბილიტირებული ბაღი გაიხსნა

იმერეთში სახელმწიფო რწმუნებულის–გუბერნატორის მოვალეობის შემსრულებელმა გრიგოლ დალაქიშვილმა, სამტრედიის მუნიციპალიტეტის მერმა ვალერიანე ფოცხვერიამ, ადგილობრივი ხელისუფლების წარმომადგენლებთან ერთად, ღანირის თემში, სკოლამდელი აღზრდის დაწესებულების შენობა დაათვალიერეს.

საბავშვო ბაღს სრული რეაბილიტაცია ჩაუტარდა, ამ დრომდე ბავშვები ავარიულ შენობაში, არასათანადო პირობებში იმყოფებოდნენ. პროექტის ფარგლებში ადგილობრივი თვითმმართველობის ბიუჯეტიდან სამუშაოებისთვის 160 000 ლარამდე გამოიყო. თანამედროვე სტანდარტების შესაბამისი შენობა, რომელიც შესაბამისი ინვენტარით არის აღჭურვილი, 60 ბავშვზეა გათვლილი.

Comments
Loading...