- Advertisement -

სამტრედიაში შშმ პირთა საერთაშორისო დღე აღნიშნეს

შეზღუდული შესაძლებლობის მქონე პირთა საერთაშორისო დღე სამტრედიის მუნიციპალიტეტის მერმა, ვალერიანე ფოცხვერიამ, ბავშვთა სარეაბილიტაციო დღის ცენტრ „ლამპარის“ აღსაზრდელებთან ერთად აღნიშნა.

მუნიციპალიტეტის მერთან ერთად ეს დღე ბავშვებს მერის მოადგილემ, დავით ბახტაძემ, საკრებულოს თავმჯდომარის მოადგილემ, კობა ძიძიგურმა, კულტურის სამსახურის უფროსმა, ნატალია მანჯგალაძემ, სოციალური სამსახურს უფროსმა, ლევან ახობაძემ და სამტრედიის მაჟორიტარი დეპუტატის ბიუროს წარმომადგენლებმაც მიულოცეს. სტუმრებმა პატარებს სამახსოვრო საჩუქრები გადასცეს.

სტუმრებს შორის პატარებისთვის ყველაზე საყვარელი მულტფილმის პერსონაჟებიც იყვნენ. ნათია ჭელიძემ მიკი და მინი მაუსთან, გოჭი პეპასთან და პრინცესებთან ერთად ბავშვებისთვის კოსტიუმირებული შოუ საკუთარი ინიციატივით, უსასყიდლოდ მოაწყო.

„ვუერთდები შშმ პირთა უფლებების დაცვის საერთაშორისო დღეს და მინდა მათი უფლებებისა და თანასწორობისადმი ღრმა პატივისცემა გამოვხატო“ – განაცხადა ვალერიანე ფოცხვერიამ.

3 დეკემბერი შეზღუდული შესაძლებლობების მქონე პირთა უფლებების დაცვის საერთაშორისო დღედ, გაერთიანებული ერების ორგანიზაციის ინიციატივით, 1992 წელს დაწესდა. მსოფლიოში 700 მილიონზე მეტი შეზღუდული შესაძლებლობის პირია ხოლო, საქართველოში ოფიციალური სტატისტიკით 200 000 მდე. ამის შესახებ ინფორმაციას სამტრედიის მერია ავრცელებს.

Comments
Loading...