- Advertisement -

სასტუმრო “ლეოგრანდის” საქმეზე ბრალდებულებს ორთვიანი წინასწარი პატიმრობა შეფარდათ

გიორგი მიქელაძესა და ფათიჰ იაჰუზს ბათუმის საქალაქო სასამართლომ აღკვეთი ღონისძიების სახით პატიმრობა შეუფარდა.

დაცვის მხარემ სასამართლოს აღკვეთი ღონისძიების შეცვლის თაობაზე 20-20 ათასი ლარი შესთავაზა, თუმცა ვიოლეტა ფორჩხიძემ აღნიშნული შუამდგმლობა არ დააკმაყოფილა.

სასამართლო პროცესზე ბრალდების მხარემ განაცხადა, რომ გიორგი მიქელაძისა და ფატი იაუზის გათავისუფლების შემთხვევაში მტკიცებულებების განადგურებისა და მიმალვის საფრთხე არსებობს. როგორც პროკურორებმა განმარტეს, აღნიშნულ პირებს სასტუმრო "ლეოგრანდში" უსაფრთხოების წესების დაცვა ევალებოდათ
"სასტუმრო ერთხელ უკვე იყო დაჯარიმებული უსაფრთხოების წესების დარღვევისთვის და სწორედ ამ უსაფრთხოების წესების გამოსწორება აღნიშნულ პირებს ევალებოდათ, რომელოც არ გაითვალისწინეს",- განცხადა პროკურორმა რამაზ შავაძემ.

აღნიშნული საქმის არსებითი განხილვა 16 მაისს 13 საათზე ჩაინიშნა.
ფაქტზე გამოძიება 243-ე მუხლის მეორე ნაწილით მიმდინარეობს რაც სახანძრო უსაფრთხოების წესების დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.

Comments
Loading...