- Advertisement -

საქართველოს ეროვნული გმირის, გიორგი ანწუხელიძის სახლს რეაბილიტაცია ჩაუტარდება

საქართველოს ეროვნული გმირის გიორგი ანწუხელიძის საცხოვრებელ სახლს, რომელიც ახმეტის მუნიციპალიტეტის სოფელ ქვემო ალვანში მდებარეობს, რეაბილიტაცია ჩაუტარდება. ამ მიზნით ადგილობრივი ბიუჯეტიდან 7 873 ლარია გამოყოფილი.

გიორგი ანწუხელიძის საცხოვრებელი სახლის რეაბილიტაციისათვის ახმეტის გამგეობის მიერ გამოცხადებულ ტენდერში მონაწილეობის მსურველთა წინადადებების მიღება 2017 წლის 4 ოქტომბრიდან 9 ოქტომბრის 14:30 საათამდე იწარმოებს.

,,გიორგი ანწუხელიძის სახლის მშენებლობა თავდაცვის სამინისტრომ 2014 წელს დაიწყო, აშენებულია შენობის კედლები და რომ არ დაზიანდეს ნაგებობა, მისი გადახურვაა აუცილებელი. ტენდერი უკვე გამოვაცხადეთ და გამარჯვებული კომპანია უახლოეს პერიოდში დაიწყებს საცხოვრებელი სახლის გადახურვაზე მუშაობას." – განაცხადა ,,აიპრესთან,, საუბრისას ახმეტის მუნიციპალიტეტის გამგებლის მოადგილემ, ვაჟა ნასყიდაშვილმა.

გიორგი ანწუხელიძე რუსეთ – საქართველოს ომის დროს გმირულად დაღუპული სამხედრო მოსამსახურეა.

სერჟანტი დაჯილდოებულია ვახტანგ გორგასლის I ხარისხის ორდენით, მინიჭებული აქვს ეროვნული გმირის წოდება.

Comments
Loading...