- Advertisement -

“საჩხერლები საჩხერლებისთვის” – საქველმოქმედო აქცია გრძელდება

ახალი წლის მოახლებასთან დაკავშირებით საჩხერის მუნიციპალიტეტის მერიამ გადაწყვიტა გააგრძელოს საქველმოქმედო აქცია "საჩხერლები საჩხერლებისთვის". ამის შესახებ ინფორმაციას საჩხერის მუნიციპალიტეტის მერია ავრცელებს. 

მერიის ინფორმაციით, აქციაში მონაწილეობისთვის მსურველებს შეგიძლიათ სურვილისამებრ გაიღოთ შეწირულობა (პროდუქტის სახით), რომელიც გადაეცემა შეჭირვებულ ოჯახებს.

არსებული სოციალური საწყობი 2017 წელს გაიხსნა, რომელიც კეთილი ადამიანების შემოწირულობებით არსებობს. აღნიშნულ საწყობში შემოსული პროდუქტი თუ სხვა საყოფაცხოვრებო ნივთი მუნიციპალიტეტში მცხოვრებ უკიდურესად გაჭირვებულ ოჯახებს გადაეცემოდა. ამის მაგალითად გამოდგება ის ფაქტიც, რომ მხოლოდ 2017 წელს ამ აქციის მეშვეობით დახმარება გაეწია 30-ზე მეტ ოჯახს, შშმ პირებს, მრავალშვილიან დედებს, ვაგონში მცხოვრებ ოჯახებს, მარტოხელებს და ა.შ. 

აქცია გაიმართება 18 ნოემბერს, დილით 11 საათზე, საჩხერის მუნიციპალიტეტის მერიის შენობაში.

Comments
Loading...