- Advertisement -

სიღნაღში სარეაბილიტაციო სამუშაოებისთვის 100 000 ლარამდე დაიხარჯება

სიღნაღის ცენტრალური უბნების სარეაბილიტაციო სამუშაოები უახლოეს მომავალში დაიწყება – ამის შესახებ ,,აიპრესს,, ქალაქის მერმა, გიორგი გოგილაშვილმა განუცხადა.

სიღნღის მერის თქმით, სამუშაოები ქალაქის ცენტრალურ უბნებში გზების და ისტორიული სახლების ფასადების რეაბილიტაციას მოიცავს.

,,ტურისტული სეზონი ახლოვდება და გვინდა, რაც შეიძლება მალე დავიწყოთ სამუშაოები და დროულად დავასრულოთ. ძირითადად მოპირკეთდება ქალაქის ცენტრალური უბნები, მაგალითად ქვაფენილის საფარი, ასევე ძველებური სახლების ფასადები, ხის ღობები, რომლებიც შეცვლას საჭიროებს და ასე შემდეგ. ამ ეტაპზე საპროექტო სამუშაოები მიმდინარეობს, მოგვიანებით უკვე გამოვაცხადებთ ტენდერს და გამარჯვებული კომპანია დაიწყებს სამუშაოების შესრულებას. პროექტის ბიუჯეტის წარდგენას კი უახლოეს დღეებში ვგეგმავთ საკრებულოს სხდომაზე.“- განაცხადა ,,აიპრესთან,, საუბრისას გოგილაშვილმა.

სიღნაღში სარეაბილიტაციო სამუშაოების ჩასატარებლად, ქალაქის მერის ინფორმაციით, დაახლოებით 100 000 ლარი გამოიყოფა.

Comments
Loading...