- Advertisement -

სოფელ ბორში გზის კაპიტალური რეაბილიტაცია მიმდინარეობს

ხარაგაულის მუნიციპალიტეტის მერმა, ნიკოლოზ თოფურიძემ, პირველ მოადგილესთან, არჩილ მაღრაძესთან და შესაბამისი სამსახურების წარმომადგენლებთან ერთად, სოფელ ბორში გზის რეაბილიტაციის სამუშაოები დაათვალიერა. 

ბორში ბეტონის საფარი ცენტრალური გზის 2 კმ-იან მონაკვეთზე დაიგება. პროექტი რეგიონული განვითარების ფონდიდან 421 975 ლარით ფინანსდება. ადგილობრივი ბიუჯეტის თანამონაწილეობა კი თანხის 5%-ს შეადგენს. 

სოფელში გზის რეაბილიტაციის სამუშაოები, სახელშეკრულებო ვადებით, ივნისის ბოლოს დასრულდება.

„წინასაარჩევნოდ მოსახლეობისთვის მიცემულ დაპირებას, სოფლებში გზების რეაბილიტაციასთან დაკავშირებით, ვასრულებთ. საგზაო ინფრასტრუქტურის განვითარება სოფლად მიგრაციის შესაჩერებლად მნიშვნელოვანია. სწორედ ამიტომ შემდეგი სამი წლის განმავლობაში გზების რეაბილიტაცია მუნიციპალიტეტისთვის პრიორიტეტად დარჩება“ – აცხადებს მუნიციპალიტეტის მერი ნიკოლოზ თოფურიძე.

Comments
Loading...