- Advertisement -

სოფელ მატანში სპორტული კომპლექსის რეაბილიტაცია დასრულდა

საქართველოს რეგიონული განვითარებისა და ინფრასტრუქტურის სამინისტრომ სოფელ მატანში სპორტული კომპლექსისა და მისასვლელი გზის რეაბილიტაცია დაასრულა. სამუშაო მსოფლიო ბანკმა დააფინანსა და მისი ღირებულება დაახლოებით 1.5 მილიონი ლარია. 

სპორტული კომპლექსი ახმეტაში მუნიციპალური განვითარების ფონდის აღმასრულებელი დირექტორის მოვალეობის შემსრულებელმა ჯუანშერ ბურჭულაძემ დაათვალიერა. 

პროექტი ითვალისწინებდა კომპლექსის სრულად განახლებას, ეზოსა და მინი სტადიონის მოწყობას, ასევე – სოფელ მატანში 1 კმ-იანი გზის რეაბილიტაციას.

"პროექტის დასრულების შემდეგ გამოვლინდა უმნიშვნელო დეფექტები, რომლის აღმოფხვრა უმოკლეს დროში მოხდება. ახმეტაში ბევრი სახელოვანი სპორტსმენი აღიზარდა და დარწმუნებული ვარ, ეს კომპლექსი ამ ტრადიციის გაგრძელებას შეუწყობს ხელს “ – განაცხადა ფონდის ხელმძღვანელმა.
 

Comments
Loading...