- Advertisement -

ტყიბულის შახტაში 5 აპრილს მომხდარი ტრაგედიის საქმეზე დაკავებულების სასამართლო პროცესი მიმდინარეობს

ქუთაისის საქალაქო სასამართლოში, ტყიბულში მიმდინარე წლის 5 აპრილს მომხდარ ტრაგედიასთან დაკავშირებით დაკავებულების სასამართლო პროცესი. 5 დაკავებულის დაცვის მხარემ დააყენა შუამდგომლობა პროცესის გადადების შესახებ დაზარალებულების პოზიციის გამორკვევამდე. აღნიშნული შუამდგომლობა მოსამართლემ არ დააკმაყოფილა.

დღევანდელ პროცესზე შესავალი სიტყვა ბრალდების მხარემ და მეექვსე დაკავებულის-გოჩა ქასრაშვილის ადვოკატმა წარმოთქვეს.

შეგახსენებთ, რომ ფაქტთან დაკავშირებით კომპანია საქნახირის 6 თანაშრომელია დაკავებული. ტარიელ აბესაძე მინდელის სახელობის შახტის დირექტორის მოადგილე,
გიზო კირკიტაძე მთ ინჟინერი , გოჩა ქასრაშვილი თანაშემწე,
მურად აბულაძე უბნის უფროსი,
მამული კუბლაშვილი მენეჯერი,
აკაკი ახვლედიანი დირექტორი.

დაკავებულებს გამოძიება უსაფრთხოების ნორმების დარღვევას ედავება. გამოძიება სისხლის სამართლის კოდექსის 240 ე მუხლით მიმდინარეობს. ბრალის დამტკიცების შემთხვევაში დაკავებულებს 5 წლამდე თავისუფლების აღკვეთა ემუქრებათ.

შემთხვევის შედეგად მინდელის სახელობის შახტში 6 ადამიანი დაიღუპა, 4 კი მძიმედ დაშავდა.

მომავალი პროცესი 19 დეკემბერს 12 საათზე ჩაინიშნა.

Comments
Loading...