- Advertisement -

ფოთელმა მეთევზემ ზღვაში ამფორის ფრაგმენტები აღმოაჩინა

ფოთის კოლხური კულტურის მუზეუმს მოქალაქე რევაზ ბერაიამ, ამფორის ფრაგმენტები უსასყიდლოდ გადასცა. როგორც გაირკვა, ეს უნიკალური ნივთი მან თევზჭერის დროს შემთხვევით აღმოაჩინა. მუზეუმის დირექტორის ელენე გაბლიანის განაცხადებით, არტეფაქტი, სავარაუდოდ, ანტიკური პერიოდისაა.
„ამფორის ფრაგმენტები ერთ-ერთი თევსაჭერი სეინერის მეპატრონემ, შავი ზღვის აკვატორიის გრიგოლეთის მონაკვეთზე 74-80 მეტრ სიღრმეში აღმოაჩინა. ეტყობა ეს ტერიტორია არქეოლოგიური თვალსაზრისით ძალიან საინტერესოა, რადგან ჩვენთვის გახდა ცნობილი, რომ აქ მგავს ნივთებს მეთევზები ხშირად პოულობენ და ბათუმში გადააქვთ ან სახლში იტოვებენ“,-განაცხადა მან.

ელენე გაბლიანი თევზსაჭერი გემების კაპიტნებს მიმართავს თხოვნით, ანალოგიური ნივთის პოვნის შემთხვევაში, აუცილებლად ფოთის კოლხური კულტურის მუზეუმს მიმართონ.

Comments
Loading...