- Advertisement -

ფოთის მერიაში სტრუქტურულ რეორგანიზაციას საკადრო ცვლილებები მოჰყვა

კერძოდ, სამსახურის უფროსებმა, ახალდანიშნული ხელმძღვანელების მოადგილეების თანამდებობაზე გადაინაცვლეს. ეს შტატი აქამდე არ არსებობდა, ამდენად აღმასრულებელ ორგანოში დამტებით 7 ადგილი შეიქმნა.

მერიის კულტურის, განათლების, ძეგლთა დაცვის, სპორტისა და ახალგაზრდულ საქმეთა სამსახურის უფროსად, ყოფილი მერის მოადგილე ნიკოლოზ გრიგოლია დაინიშნა. 

მერიის ეკონომიკური განვითარებისა და ტურიზმის სამსახურის უფროსის მოვალეობას, ასევე ყოფილი ვიცე-მერი ლევან ჩოჩია ასრულებს.
მერიის საფინანსო საბიუჯეტო სამსახურის უფროსის თანამდებობა, ნანა ჭანტურიამ დაიკავა. ის ბოლო პერიოდში „ტერა ბანკის“ ფოთის ფილიალის მმართველის მოადგილედ მუშაობდა.

შეიცვალნენ აგრეთვე მერის წარმომადგენლები ტერიტორიულ ორგანოში: ნაბადის უბანში – ზურაბ ბერაია, კუნძულის უბანში – სანდრო ქუშაშვილი, ცენტრის უბანში – ზაზა ღადუა, ხოლო მალთაყვის უბანში ახალ ხელმძღვანელს უახლოეს დღეებში ელოდებიან.

აღმასრულებელ რგოლში სულ 124 თანამშრომელია, აქედან 9 ხელშეკრულებით არის აყვანილი.

Comments
Loading...