- Advertisement -

ფოთის მერობის კანდიდატი, გოჩა კურდღელია მოსახლეობასთან შეხვედრებს აგრძელებს

პარტია „ქართული ოცნება – დემოკრატიული საქართველოს“ ფოთის მერობის კანდიდატი, გოჩა კურდღელია, მაჟორიტარი დეპუტატობის კანდიდატებთან – სამსონ კუტალიასთან და მალხაზ ფოჩხუასთან ერთად, ამომრჩეველს შეხვდა.

როგორც გოჩა კურდღელიამ ადგილობრივებთან შეხვედრაზე აღნიშნა, ბოლო წლების განმავლობაში, ქალაქში არაერთი მნიშვნელოვანი ინფრასტრუქტურული პროექტი განხორციელდა. კერძოდ, დასრულდა 24 საათიანი წყალმომარაგების პროექტი, რისთვისაც 22 მლნ ლარი დაიხარჯა.

„აწარმოე საქართველოს“ ფარგლებში, წელს ორი სამკერვალო ფაბრიკის მშენებლობა დაიწყო, რომელიც წლის ბოლომდე უნდა ამუშავდეს. ფირმა „აჭარა-ტექსტილი“ უკვე წელს, 1500-ზე მეტი ადამიანის დასაქმებას გეგმავს, ხოლო სრული დატვირთვით ამუშავების შემდეგ, დასაქმებულთა საერთო რაოდენობა 3000-ს მიაღწევს. აღნიშნული საწარმოს პროდუქცია საექსპორტო გახდება“, – აღნიშნა მერობის კანდიდატმა.

მისივე თქმით, გამარჯვების შემთხვევაში, ცენტრალურ ხელისუფლებასთან აქტიური თანამშრომლობით, ქალაქის ინფრასტრუქტურა კიდევ უფრო სწრაფი ტემპით განვითარდება.

Comments
Loading...