- Advertisement -

ფოთის საფეხბურთო გუნდის “კოლხეთი-1913”-ის გულშემატკივრებმა აქცია გამართეს

დღეს ფოთის ადმინისტრაციული შენობის წინ, ფოთის საფეხბურთო გუნდის „კოლხეთი-1913“-ის გულშემატკივრებმა აქცია გამართეს. ისინი ადგილობრივ ხელისუფლებსგან გუნდის საშინაო მატჩების, ფოთში გამართვის პრობლემის მოგვარებას მოითხოვდნენ. შეგახსენებთ, რომ ფოთის საფეხბურთო გუნდი 2012 წლიდან სტადიონის აშენებას ელოდება.

„დღეს პირველ საათზე რაგბის პარკი არენაზე „კოლხეთი-1913“-სა და ქობულეთის „შუქურას“ შორის თამაში უნდა გამართულიყო, მაგრამ რომ მივედით უკან გამოგვისტუმრეს. როგორც გაირკვა, სტადიონზე გუშინ რაგბის თამაში ჩატარებულა და მოედნის საფეხბურთო თამაშისთვის მომზადება პირველი საათისთვის ვერ მოესწრო.

ეტყობა ვიღაცამ ეს სპეციალურად გააკეთა, რომ ფოთის გუნდს საშინაო მატჩის ჩაშლა წაგებაში ჩაეთვალოს. როგორც გვითხრეს,ფეხბურთის ფედერაციაში შესაბამისი კომისია საღამოს 7 საათზე იმსჯელებს, კოლხეთს ეს გარემოება წაგებაში ჩაეთვლება თუ გუნდების შეხვედრა სხვა დროს მოხდება. ადგილობრივ ხელისუფლებისგან მოვითხოვთ დროულ რეაგირებას“_ განაცხადა „კოლხეთი-1913“-ის გულშემატკივარმა.

აქციის მონაწილეებს, ფოთის მერის მოადგილე ნიკოლოზ გრიგოლია შეხვდა და მათ დახმარება აღუთქვა.

Comments
Loading...