- Advertisement -

ფოთის “ჭაბონამა“ “მოყვარულთა თასი 2017”-ს მფლობელი გახდა

საქართველოს სამოყვარულო ფეხბურთის ფინალური შეხვედრა, წყალტუბოს ცენტრალურ სტადიონზე გაიმართა.ფოთელები ჩემპიონატის შარშანდელ ფინალისტს – თბილისის „ნახალოვკას“ დაუპირისპირდნენ და ანგარიშით 4:0 დაამარცხეს.

გამარჯვებულ გუნდს, ქართული ფეხბურთის განვითარების ფონდის ფინანსური მხარდაჭერით, სიმბოლური და ფულადი პრიზები გადაეცათ . 

პროექტმა სტარტი აიღო 2017 წლის 19 აპრილს ოზურგეთის მუნიციპალიტეტში და მასში მთელი ქვეყნის მასშტაბით მონაწილეობა მიიღო 300-მდე სამოყვარულო საფეხბურთო გუნდმა და 8000-მდე მოყვარულმა ფეხბურთელმა.

ჭაბონამა მომავალი წლიდან 2018/19 წლების უეფას რეგიონთა თასის გათამაშებაში ჩაერთვება. ფოთელები B ჯგუფის მატჩებს რუმინეთის, სლოვენიის და შოტლანდიის გუნდების წინააღმდეგ გამართავენ.

აღნიშნული პროექტი საქართველოს სამოყვარულო ფეხბურთის ასოციაციისა და საქართველოს ფეხბურთის ფედერაციის ერთობლივი ორგანიზებით,ასევე ქართული ფეხბურთის განვითარების ფონდის ფინანსური მხარდაჭერით ხორციელდება.

Comments
Loading...