- Advertisement -

ფოთში ახალი სანიაღვრე არხის გაჭრა მიმდინარეობს

ფოთში ახალი სანიაღვრე არხის გაჭრა მიმდინარეობს. ინფრასტრუქტურის სამსახურის უფროსის ზურაბ ჯამბურიას განცხადებით, ერთკილომეტრიანი არხი, რომელიც მდინარე რიონს უერთდება, ახალი სოფლის მოსახლეობას უხვი ნალექის დროს დატბორვის პრობლემას მოუხსნის.

“კოკისპირული წვიმის დროს ახალი სოფლის მოსახლეობა იტბორება,რადგან იქ არსებული სატუმბი სადგური მოთხოვნბებს ვერ აკმაყოფილებს.ამჯერად მეორე სატუმბი სადგურის მშენებლობა მიმდინარეობს,რომელიც ექსპლუატაციაში დაახლოებით ერთ თვეში შევა. მანამდე მივიღეთ გადავწყვეტილება , დაახლოებით ერთი კილომეტრი სიგრძის არხი გაგვეჭრა ,რათა თვითდინებით მოხდეს წყლის გადინება. არხის დასრულების შემდეგ მოსახლეობა შვებას იგრძნოს.” – განაცხადა ზურაბ ჯამბურიამ

შეგახსენებთ, ფოთში ყოველი უხვი ნალექის დროს რამდენიმე ცენტრალური ქუჩა და საცხოვრებელი ეზოები მუდმივად იტბორება.აღნიშნულ პრობლემას ადგილობრივები გაუმართავ სატუმბ სადგურებს და მოუწესრიგებელ სანიაღვრე არხებს აბრალებენ.

Comments
Loading...