- Advertisement -

ფოთში კუნძულის სანაპირო ზოლის რეაბილიტაცია იწყება

ფოთში, მალთაყვის უბნის სანაპირო ზოლის რეაბილიტაციის პარალელურად, კუნძულის უბნის სანაპირო ზოლის განახლება იწყება. პროექტის მიხედვით დაგეგმილია 61 ათასი კვ. მეტრი ფართობის ფილებით მოკირწყვლა, საავტომობილო გზის რეაბილიტაცია, ვეტერანთა სახლისა და საბავშვო მოედნის მოწყობა, კაფეებისა და კომერციული ობიექტების განთავსება.

„პროექტი სამომავლო განვითარების პერსპექიტივით უნდა განხორციელდეს. ფოთის მაჟორიტარი დეპუტატის ირაკლი ხახუბიას აქტიური ჩართულობით, მიმდინარეობს მუშაობა ინვესტიციების მოსაზიდად, რათა პროექტმა უფრო მასშტაბური სახე მიიღოს“_ განაცხადა ქალაქის მერმა გოჩა კურდღელიამ.

კუნძულის სანაპირო ზოლის განაშენიანების ორწლიანი პროექტის პირველი ეტაპი, რეგიონული განვითარების ფონდიდან 3 მილიონი ლარით დაფინანსდება.

Comments
Loading...