- Advertisement -

ფოთში საქართველოს ერთიანობისთვის დაღუპული გმირები გაიხსენეს

საქართველოს ერთიანობისთვის დაღუპულ გმირთა ხსონის პატივის მისაგებად ფოთის საკათედრო ტაძარში პანაშვიდი გადაიხადეს.

პანაშვიდს ხელისუფლების წარმომადგენლები,“ქართული ოცნების“ მერობის კანდიდატი გოჩა კურდღელია და დევნილთა და განსახლების მინისტრის მოადგილე მამუკა ცოტნიაშვილი ესწრებოდნენ. მოგვიანებით სამთავრობო დელეგაციამ გმირთა მემორიალი გვირგვინით შეამკო.

"სოხუმის დაცემის დღე – 1993 წლის 27 სექტემბერი ერთ-ერთი ყველაზე ტრაგიკული თარიღია საქართველოსთვის. ეს დღე ჩვენთვის უდიდესი ტკივილის და აუნაზღაურებელი დანაკარგის სიმბოლოდ იქცა.24 წელი გავიდა ამ ტრაგიკული თარიღიდან.მე მინდა კიდევ ერთხელ ქედი მოვიხარო საქართველოს უახლესი ისტორიის ჭეშმარიტი გმირების წინაშე, რომლებმაც თავი გასწირეს საქართველოს ტერიტორიული მთლიანობისათვის ბრძოლაში.” -განაცხადა გოჩა კურდრელიამ.

25 წლის ამ დღეს აფხაზეთის ომი დაიწყო.კონფლიქტის შედეგად 30 000-მდე ეთნიკური ქართველი დაიღუპა,ხოლო 250 000-ზე მეტი ადამიანი აფხაზეთიდან იძულებით გადაადგილებული გახდა.

Comments
Loading...