- Advertisement -

ფოლკლორის ცენტრის საგამოფენო დარბაზში ლანა მინდელის ნახატების გამოფენა გაიხსნა

21 ნოემბერს საქართველოს ფოლკლორის სახელმწიფო ცენტრის საგამოფენო დარბაზში გაიხსნა პროფესიონალი მხატვრის ლანა მინდელის ნახატების პერსონალური გამოფენაб- ამის შესახებ ინფორმაციას ფოლკცენტრი ავრცელებს. 

"გამოფენაზე წარმოდგენილია აკრილში შესრულებული 70-მდე აბსტრაქტული ფერწერული ტილო. გამოფენა გაგრძელდება 3 დეკემბრამდე. ლანამ დაამთავრა თბილისის სახელმწიფო სამხატვრო აკადემია – მოდელირების ფაკულტეტი.

1994 წელს სასტუმრო ,,მეტეხი პალასში" გაიმართა ტანსაცმლის მოდელების მისი პირველი, პერსონალური ჩვენება. მონაწილეობდა ყოველწლიურ საერთაშორისო, საქველმოქმედო კონკურსში – ,,მოდა XXI საუკუნე", სადაც გახდა მესამე ადგილის გამარჯვებული.

2002-2009 წლებში ხელმძღვანელობდა საკუთარ მაღაზია-სალონს ,,ქართული სახლი", სადაც წარმოდგენილი იყო სახლის ხელნაკეთი აქსესუარები და ავეჯი, მისი დიზაინით შექმნილი.

ასრულებდა ნახატებს ტუშში, ზეთში, აკვარელში. მონაწილეობდა პროფესიონალ მხატვართა გამოფენაზე ,,შემოდგომა 2017"."- აღშნინულია გავრცელებულ ინფრომაციაში.

Comments
Loading...