- Advertisement -

ქობულეთის მერია ზედამხედველობის სამსახურის უფროსის შესარჩევად კონკურსს აცხადებს

ქობულეთის მუნიციპალიტეტის მერიაში ზედამხედველობის სამსახურის ვაკანტური თანამდებობის დასაკავებლად კონკურსი გამოცხადდა. კონკურსში მონაწილეობის მსურველები უნდა დარეგისტრირდნენ საჯარო სამსახურის ბიუროს ვებ-გვერდზე (www.hr.gov.ge) და გააკეთონ განაცხადები აღნიშნულ პოზიციაზე. განაცხადების მიღების ბოლო ვადაა 11 მაისი. კონკურსი 2 ეტაპად ჩატარდება – განაცხადების გადარჩევა, ზეპირი დავალება – გასაუბრება.

კონკურსში მონაწილეობა შეუძლია სრულწლოვან მოქალაქეებს, რომლებიც ფლობენ სახელმწიფო ენას და აკმაყოფილებენ ვაკანტური საშტატო ერთეულის მიმართ საქართველოს მოქმედი კანონმდებლობით საკონკურსო პირობებით წამოყენებულ მოთხოვნებს. 

კონკურსის ჩატარების ზუსტი ადგილის, თარიღის და დროის, ეტაპების ჩატარების შესახებ კანდიდატებს ეცნობებათ ოფიციალურ ვებ-გვერდსა (www.kobuleti.org.ge) და მათ მიერ მითითებულ ელექტრონულ ფოსტაზე.

Comments
Loading...