- Advertisement -

ქობულეთის ოთხი სოფლის მოსახლეობა სახლმწიფოს მიერ შესყიდული მიწის კომპენსაციის ოდენობას აპროტესტებს

აქცია აჭარის მთავრობის სახლთან ამ წუთებში მიმდინარეობს. ქობულეთის იმ სოფლების მცხოვრებლები, სადაც ახალი ნაგავსაყრელი უნდა აშენდეს, სახელმწიფოსთვის გადაცემული მიწების სანაცვლო კომპენსაციის გაზრდას ითხოვენ.

აქციის მონაწილეები ამბობენ, რომ კომპენსაციია კვადრატულ მეტრზე 5,60 ლარი მიიღეს, დამატებით კი 2,40 ლარით გაზრდას ითხოვენ.

"კვადრატულ მეტრ მიწის ფართობში 4 ლარი და 60 თეთრი გადაგვიხადეს, დაგვპირდნენ, რომ თანხას დაგვიმატებდნენ და საერთო ჯამში 8-დან 10 ლარამდე გაზრდიდნენ, თუმცა მოგვატყუეს. თუ დანაპირებს არ შეასრულებენ, ვერც მშენებლობას დაიწყებენ", – განცხადა "აიპრესთან" აქციის მონაწილე მიხეილ ნოღაიდელმა.

აქციის მონაწილეებს მთავრობის წარმომადგენელი შეხვდა. კახა შაშიკაძის განცხადებით კომპენსაციის იდენობა სპეციალუტმა კომისიამ განსაზღვრა. მისი განმარტებით, თუკი მოსახლეობა თანხით უკმაყოფილოა პრობლემა იმ კომპანიასთან უნდა გაარკვიოს, ვინც კომპენსაციები გასცა, ან სასამართლოს მიმართოს.

მთავრობის წარმომადგენლის პასუხს აქციის მონაწილეთა მხრიდან უკმაყოფილება მოჰყვა. მოსახლეობასთან ერთად აქციას ნაციონალური მოძრაობის წარმომადგენლებიც შეუერთდნენ.

Comments
Loading...