- Advertisement -

ქობულეთის საკრებულოს წევრ ვიტალი ქარცივაძეს სადეპუტატო უფლებამოსილება შეუჩერდა

გადაწყვეტილება ქობულეთის საკრებულომ, დღევანდელ სხდომაზე მიიღო.

ვიტალი ქარცივაძე, სოფელ ქაქუთის მაჟორიტარი და ქობულეთის მერიის მიწის აღიარების კომისიის თავმჯდომარე იყო. ის მიმდინარე წლის მარტში ანტიკორუფციულმა სამსახურმა ქრთამის აღების ფაქტზე დააკავა.
სადეპუტატო მანდატი ქარცივაძეს მანამ შეუჩერდება, ვიდრე სასამართლო საბოლოო გადაწყვეტილებას არ მიიღებს.

ქობულეთის საკრებულოში აცხადებენ, რომ ვიტალი ქარცივაძეს თბილისის საქალაქო სასამართლოს განჩინების საფუძველზეწინასწარი პატიმრობა შეეფარდა, რაც მათივე თქმით, თვითმმართველობის კოდექსით საბოლოო სასამართლო გადაწყვეტილებამდე უფლებამოსილების შეჩერებას ითვალისწინებს. მათივე განმარტებით, სასამართლო განჩინებით საკრებულოს ანტიკორუფციულმა სამსახურმა მიმართა.

Comments
Loading...