- Advertisement -

ქუთაისის მერიის ყოფილი თანამშრომელი სამსახურიდან პოლიტიკური ნიშნით გათავისუფლებაზე საუბრობს

ქუთაისის მერიის ყოფილი თანამშრომელი "ლეიბორისტული პარტიის" წევრი ირაკი კიკვიძე პოლიტიკური ნიშნით გათავისუფლებაზე საუბრობს.

კიკვაძის თქმით, მიმდინარე წლის 3 მარტს მერიის სპორტის დაწესებულებათა ააიპიდან გიორგი ჭიღვარიას დაკვეთით ააიპის ხელმძღვანელმა გაათავისუფლა. 

"წინა მერის დროს პრობლემები არ შემქმნია, რადგან არ იყვნენ პოლიტიკურად ანგაჟირებულნი. ჭიღვარიამ მოსვლისთანავე დაშალა კულტურის სამსახური, სადაც " ქართული ოცნების" მხარდამჭერი იყო მხოლოდ ორი ადამიანი, ამიტომ არჩევნების დრო დაიწყო მუქარა ამ სამსახურის გაუქმებაზე. სამსახურიდან თანამშრომლები გაუშვეს ააიპში მუდმივ თანამშრომლად, ყველას მიეცა შტატი, მხოლოდ მე დავრჩი შტატგარეშე და ხელშეკრულების დასრულებას ოთხი თვე აკლდა, როდესაც გამიშვეს. ააიპის ხელმძღვანელი არის ზონდერი, არაკომპეტენტური და გაუნათლებელი, რომელიც ყველა თანამშრომელს უთვალთვალებს და არასასურველ კადრებზე მერიაში მიაქვს ენები"-განაცხადა კიკვაძემ.

მისივე განმრტებით, მას შტატს უშუალოდ ჭიღვარია დაპირდა და მიუხედავად დაპირებისა არ დაინიშნა შტატში. მისივე თქმით, საქმის შესახებ ინფორმირებულია დიპკორპუსი. პოლიტიკური დევნის გამო კი ის სასამართლოს მიმართავს.

როგორც ქუთაისის მერიის ააიპ სპორტულ დაწესებულებათა დაწესებულების მმართველი კობა ფხაკძე აცხადებს, ირაკი კიკვაძის ბრალდებები უსაფუძვლოა, ვინაიდან ის სამსახურში გამოსცდელი ვადით იყო აყვანილი და კანონის მიხედვით საკუთარი გადაწყვეტილებით კიჯვაძე სამსახურიდან გაათავისუფლა, თუმცა მისივე თქმით კანონით აქვს ასევე უფლება გათავისუფლებასთან დაკავშირებით განმარტება არ გააკეთოს.

Comments
Loading...