- Advertisement -

ქუთაისის მერმა დედის დღე ქუთაისში ყველაზე მრავალშვილიან დედას მიულოცა

ქუთაისის მერმა გიორგი ჭიღვარიამ დედის დღე ქუთაისში ყველაზე მრავალშვილიან დედას მაია გოშთელიანს მიულოცა. მაია გოშთელიანი 13 შვილის დედაა. ქალაქის მერმა და მისმა მოადგილემ ნინო თვალთვაძემ

მაია გოშთელიანს საჩუქარი გადასცეს და აღნიშნეს, რომ სხვა მრავალშვილიანი დედებიც არ დარჩენილან უყურადღებოდ.

ქუთაისში სულ 45 მრავალშვილიანი ოჯახია და ყველა მათგანს ქალაქის მერიისგან, დედის დღესთან დაკავშირებით საჩუქრები გადაეცა.

"მრავალშვილიანი დედები არიან ის ადამიანები რომელებიც განსაკუთრებულად დასაფასებელი არიან სახელმწიფოს მხრიდან. ჩვენ ყოველთვის ვცდილობთ ხელი შევუწყოთ მათ და უყურადღებოდ არ დავტოვოთ. ისინი ნამდვილად იმსახურებენ ჩვენს ყურადღებას და პატივისცემას,"-განაცხადა გიორგი ჭიღვარიამ.

Comments
Loading...