ქუთაისი-ბაღდათის გზაზე ავარიის შედეგად 4 ადამიანი დაშავდა

ქუთაისი-ბაღდათის დამაკავშირებელ საავტომობილო გზაზე მომხდარი ავარიის შედეგად დაშავებული მგზავრები, სამედიცინო ტექნოლოგიების დასავლეთის რეგიონალურ ცენტრში გადაიყვანეს.

კლინიკის ექიმი რეანიმატოლოგის გიორგი მამრიკიშვილის თქმით, 2 პაციენტი უკვე გაწერეს, დანარჩენი 2 პაციენტის ჯანმრთელობის მდგომარეობა კი სტაბილურად მძიმეა.

შეგახსენებთ, რომ ავტოსაგზაო შემთხვევა დღეს დილით, სოფელ ვარციხეში ხიდზე მოხდა, სადაც ბაღდათის სოფელ ხანის მიმართულებით მოძრავი მიკროავტობუსი ამობრუნდა.