- Advertisement -

ქუთაისში “გვირილობის” დღესასწაულს პრეზიდენტი და პარლამენტის თავმჯდომარე ესწრება

ქუთაისში, ქალაქის ცენტრალურ ბულვარში, იქ სადაც "გვირილობის" აღნიშვნის ღონისძიებები იმართება საქართველოს პრეზიდენტი გიორგი მარგველაშვილი, პარლამენტის თავმჯდომარე ირაკლი კობახიძე და საგარეო საქმეთა მინისტრი მიხეილ ჯანელიძე მივიდნენ.

საქართველოს პრეზიდენტმა და პარლამენტის თავმჯდომარემ ადგილობრივ მოსახლეობას ქალაქობის დღე მიულოცეს.
"გიმნაზისტკებმა" სტუმრებს სიმბოლურად გვირილები მიამაგრეს პიჯაკებზე.

"გვირილობის“ ზეიმი სათავეს გასული საუკუნის 20 იანი წლებიდან იღებს და მას ასწელზე მეტი ხნის ისტორია აქვს. გადმოცემის თანახმად ქუთაისელი „გიმნაზისტკები“ სიმბოლურად გვირილებს ყიდდნენ და შეგროვილი თანხით ტუბერკულიოზით დაავადებულთა ოჯახებს ეხმარებოდნენ. 

„გვირილობა“ ევროპული დღესასწაულია და ის იმ პერიოდში ბევრ ქვეყანაში აღინიშნებოდა.

Comments
Loading...