- Advertisement -

შუახევის 24 წევრიან საკრებულოში ორი ქალი იქნება

'აიპრესი'' დაინტერესდა, როგორ დაკომპლექტდა შუახევის საკრებულო 21 ოქტომბრის თვითმმართველობის არჩევნებზე, ასევე გაუმჯობესდა თუ არა გენდერული ბალანსი და რამდენმა ქალმა მოიპოვა მანდატი.

შუახევის მუნიციპალიტეტში სულ ცხრა მაჟორიტარული ოლქია, აქ ყველა მაჟორიტარულ ოლქში ქართული ოცნების კანდიდატებმა გაიმარჯვეს.

შუახევის საკრებულო სულ 24 წევრიანია და ოთხ პარტიულად დაკომპლექტდა : 19 წევრს შეიყვანს "ქართული ოცნება", აქედან 9 მაჟორიტარს და 10 სიით წევრის.
სამ წევრს შეიყვანს 'ნაციონალური მოძრაობა".
ერთს „ევროპული საქართველო“.
ერთს “დემოკრატიული მოძრაობა თავისუფალი საქართველო''.

რაც შეეხება გენდერულ ბალანსს, სხვა მუნიციპალიტეტების მსგავსად, შუახევის საკრებულოშიც გენდერული დისბალანსი შეინიშნება. 24 წევრიდან ქალი მხოლოდ ორია. ერთი ქართული ოცნებიდან ფატი ჭაღალიძე, ხოლო მეორე ნაციონალური მოძრაობიდან ირმა ფუტკარაძე.

'აიპრესი' გაესაუბრა ფატი ჭაღალიძეს, რომელმაც გენდერულ დისბალანსსა და სამომავლო გეგემებზე ისაუბრა.

„ზოგადად სიტყვა გენდერის გაჟღერება საზოგადოებაში ცინიზმს იწვევს.არასწორად აღიქვამს საზოგადოება. ტრადიციების წინააღმდე წასვლად აღიქვამენ. პირველ რიგში საზოგადოების ცნობიერების დონის ამაღლებაზე საჭირო მუშაობა.ბალანსის დაცვას ბუნების კანონზომიერება მოითხოვს ყველგან და ყველაფერში.ყველა განვითარებულ ქვეყნებში(ფინეთი,ნიდერლანდები..)ეს პროცესი ოთხმოციანი წლებიდან წამოიწია და შედეგიც აქვთ.უკვე კვოტირება აღარ იქ საჭირო.ბუნებრივად ხდება.იმედს ვიტოვებ რომ ასე იქნება საქართველოშიც.

რაც შეეხება თუ რის გაკეთებას ვაპირებ, გამოცდილება,რამდენიმე პოლიტიკური სკოლის გავლა,პრაქტიკა კარგად წაადგება ჩემს საქმიანობას.
მაქვს მომზადებული მაგისტრანტების დასაფინანსებლად პროგრამა. მინდა ერთჯერადი დახმარება კვლავ გაიცეს ახალშობილებზე რაც სასიცოცხლოდ მნიშვნელოვანია ოჯახებისთვის.იმედი მაქვს რომ მექნება მერიის და ჩემი კოლეგების მხარდაჭერა“ განაცხადა 'აიპრესთან" ფატი ჭაღალიძემ.

ავტორი: ციური სოლომონიძე

Comments
Loading...