- Advertisement -

შუახევი-შუბნის დამაკავშირებელ ცენტრალურ მაგისტრალზე მეწყერი ჩამოწვა

ძლიერი წვიმის შედეგად მეწყრული პროცესები გააქტიურდა შუახევის მუნიციპალიტეტში. მიწის მასა ჩამოწვა შუახევი-შუბნის დამაკავშირებელ ცენტრალურ მაგისტრალზე. დილის საათებში მეწყრული პროცესი განმეორდა სოფელ კობალთაშიც. სოფლის თავზე საცხოვრებელი სახლებიდან 300 მ ჩამოწვა წუმპოს მთა, რამაც გამოიწვია მიწის მასისა და ნიაღვარის ჩადინება კობალთიდან ერდუათისკენ ჩამავალ მდინარეში. ღვარცოფმა წაიღო სოფელთან დამაკავშირებელი გზა. სოფელი ორ ნაწილად არის გაყოფილი.

როგორც მუნიციპალიტეტის მერიაში აიპრესს განუმარტრს მოსახლეობას საფრთხე არ ემუქრება. საზოგადოებასთან ურთიერთობის სამსახურის უფროსის ინფორმაციით შუახევი-შუბნის დამაკავშირებელ მაგისტრალზე გაწმენდითი სამუშაოები უკვე დაწყებულია, რაც შეეხება სოფელ კობალთას აჭარის საგზაო დეპარტამენტის ტექნიკა უკვე გზაშია და გზის გაწმენდითი სამუშაოები უახლოეს პერიოდში დაიწყება.

Comments
Loading...