- Advertisement -

შუახევში 10 საბავშვო ბაღში უშუქობის გამო აღმზრდელობითი პროცესი არ განახლდა

შუახევში გამოიდარა, დაბალი ზონის სოფლებში თოვლის საფარი 20-40 სმ-ია, ხოლო მაღალ ზონაში 100-120 სმ. 

დიდთოვლობამ მუნიციპალიტეტში პრობლემები შექმნა. როგორც მუნიციპალიტეტის მერიაში „აიპრესს“ განუცხადეს, 5000 აბონენტიდან 400 აბონენტი რჩება ელექტროენერგიის გარეშე. აღმზრდელობითი პროცესი ელექტრო ენერგიის არქონის გამო 10 საბავშვო ბაღში შეჩერებულია, თმცა მუშაობს ყველა სკოლა.,,ენერგო- პრო ჯორჯია"-ს ინფორმაციით მიმდინარეობს აღდგენითი სამუშაოები და დღის ბოლომდე მუნიციპალიტეტს შუქი სრული დატვირთვით აღუდგება.

რაც შეეხება გზებს დილიდან დაიწყო თოვლის გაწმენდითი სამუშაები, სამუშაოებს აჭარის საგზაო დეპარტამენტის 13 ხოლო მუნიციპალიტეტის მერიის ერთი ერთეული ტექნიკა ასრულებს. შუახევში მოქმედებს 24 საათიანი საგანგებო შტაბი.

Comments
Loading...