- Advertisement -

ცოტნე ზურაბიანი წყალტუბოში პარტიის საოლქო ორგანიზაციის თავმჯდომარედ აირჩიეს

 მპგ "ქართული ოცნება – დემოკრატიული საქართველოს" წყალტუბოს საოლქო ორგანიზაციის კონფერენციაზე თავმჯდომარედ ცოტნე ზურაბიანი აირჩიეს.

წევრთა ყრილობაზე ასევე კენჭი უყარეს 15 დელეგატსა და ბიუროს რიგითი წევრიბის 5 კანდიდატს. თითოეულმა მათგანს უმრავლესობით მხარდაჭერა გამოუცხადეს. ზურაბიანის თქმით მისი თავმჯდომარედ ყოფნის პერიოდი იქნება აქტიური და პროდუქტიული.

"დიდი პასუხისმგებლობაა იყო "ქართული ოცნება – დემოკრატიული საქართველოს" წყალტუბოს საოლქო ორგანიზაციის თავმჯდომარე. გასული 2 წელი იყო საინტერესო, ნაყოფიერი. მომდევნო 2 წელი იქნება კიდევ უფრო აქტიური, ნაყოფიერი და პროდუქტიული. მადლობა დელეგატებს გამოცხადებული ნდობისთვი," – ამბობს ცოტნე ზურაბიანი პარტიის წყალტუბოს საოლქო ორგანიზაციის თავმჯდომარე.

საქართველოს პარლამენტის წევრი, წყალტუბოს მაჟორიტარი დეპუტატი ცოტნე ზურაბიანი 2 წლის წინ, 2016 წელს მოქალაქეთა პოლიტიკური გაერთიანება "ქართული ოცნება – დემოკრატიული საქართველოს" წყალტუბოს საოლქო ორგანიზაციის კონფერენციაზე თავმჯდომარედ აირჩიეს. საოლქო ორგანიზაციის თავმჯდომარის არჩევა ორ წელიწადში ერთხელ 2-ჯერ გადარჩევის უფლებით ხდება.

Comments
Loading...