ძლიერმა სტიქიამ ახმეტაში ინფრასტრუქტურა დააზიანა

უხვი ნალექის და ქარიშხალის შედეგად სოფელ მატანში ტერტერაშვილების სახლის ერთი ნაწილი ჩამოინგრა. დაიბზარა კედლები. დაზარალებულების თქმით, შენობა ავარიულია, თავს უსაფრთხოდ არ გრძნობენ და სახლში დარჩენის ეშინიათ. ისინი ადგილობრივ ხელისუფლებას დროული დახმარებისკენ მოუწოდებენ.

ცნობისათვის, ძლიერი სეტყვა და ქარიშხალი ახმეტის მუნიციპალიტეტში ნახევარ საათს გაგრძელდა. გარკვეულ ადგილებში სრულად განადგურებულია ვენახი და სასოფლო-სამეურნეო სავარგულები.