- Advertisement -

წყალარინების ბიოლოგიური გამწმენდი ნაგებობების მნიშვნელობა და მუშაობის პრინციპი (ვიდეო)

საყოფაცხოვრებო ჩამდინარე წყლებით ზედაპირული წყლების დაბინძურება მწვავე ეკოლოგიური პრობლემაა. საქართველოს გაერთიანებული წყალმომარაგების კომპანიის ერთ-ერთ პრიორიტეტს წარმოადგენს წყალარინების ინფრასტრუქტურის მოწესრიგება და გარემოზე მავნე ზემოქმედების შესამცირებლად, საერთაშორისო სტანდარტების შესაბამისი გამწმენდი ნაგებობების მშენებლობა. 

კომპანია, ამჟამად, ანაკლიასა და ურეკში აშენებს თანამედროვე ბიოლოგიურ გამწმენდ ნაგებობებს, რომლებიც განახორციელებენ ჩამდინარე წყლების წმენდას სრული ბიოლოგიური ციკლის დაცვით-აზოტისა და ფოსფორის ელემენტების მოცილებით, რაც სასიცოცხლოდ მნიშვნელოვანია გარემოს ეკოლოგიური დაბინძურების საფრთხის შესამცირებლად. 

მიმდინარე წელს კომპანია წყალარინების გამწმენდი ნაგებობების მშენებლობას ფოთსა და ზუგდიდში დაიწყებს, ხოლო 2020 წლისთვის, კომპანიას ექნება, უკვე დასრულებული და მიმდინარე, ჯამში 15, წყალარინების ბიოლოგიური გამწმენდი ნაგებობა.

Comments
Loading...