- Advertisement -

წყალტუბოს მუნიციპალიტეტის სოფელ მაღლაკში გაზიფიცირების სამუშაოები გრძელდება

წყალტუბოს მუნიციპალიტეტის სოფელ მაღლაკში გაზიფიცირების სამუშაოები გრძელდება. ბუნებრივი აირის ქსელის მონტაჟის საკითხთან დაკავშირებით ადგილობრივებს საკრებულოს თავმჯდომარე გრიგოლ ივანეიშვილი, მერის პირველი მოადგილე ზურაბ მაისურაძე, საკრებულოს კულტურის, განათლების, ტურიზმის სპორტისა და ახალგაზრდულ საქმეთა კომისიის თავმჯდომარე თენგიზ ნიჟარაძე და სოკარ ჯორჯია გაზი'' -ს წყალტუბოს სერვისცენტრის ხელმძღვანელი ბაკურ ბალანჩივაძე შეხვდნენ. 

სოფელ მაღლაკში გაზიფიცირების სამუშაოები გასული წლის ნოემბერში დაიწყო, ამ დროისთვის გაზიფიცირებულია 300 აბონენტი. ,,სოკარ ჯორჯია გაზი''-ს წყალტუბოს სერვისცენტრის ხელმძღვანელის ბაკურ ბალანჩივაძის განმარტებით, ბუნებრივი აირის ქსელის მონტაჟის სამუშაოები თვეში დაახლოებით 120-130 ოჯახისთვის სრულდება. მისივე თქმით, პროცესი მომავალი წლის მარტში დასრულდება. ჯამში მაღლაკში 1634 აბონენტი გაზიფიცირდება. 

წყალტუბოს მუნიციპალიტეტში ბუნებრივი აირის ქსელი მოწყობილია სოფელ გუბისწყალსა და პირველ წყალტუბოში, ამ სოფლების მოსახლეობის გაზიფიცირება პარალელურ რეჟიმში მიმდინარეობს, მაისიდან ანალოგიური სამუშაოები დაიწყება სოფელ ქვილიშორში, ივნისიდან კი სოფელ ჩუნეშში.

მაღლაკის მოსახლეობასთან ადგილობრივი თვითმმართველობის პირველი პირების შეხვედრისას დაისვა გარე განათების ქსელის მოწყობის საკითხი. მუნიციპალიტეტის მერის პირველი მოადგილის ზურაბ მაისურაძის განცხადებით, სოფელ მაღლაკში გარე განათების ბოძებზე სანათების დამონტაჟება უახლოეს დღეებში მოხდება.

Comments
Loading...